Vi har no publisert nesten tusen eldre eigedomsdokument på digitalarkivet.no. Dokumenta er knytt til eigedomar i Vardø, Smelror, Ytre-Kiberg, Persfjord, Syltefjord og Risfjord i Gamvik, og består av skjøter, grunnbrev, branntakstar, målebrev og diverse brev, notat og kartskisser.

Materialet gjev høve til å følgje eigedomsforhold gjennom fleire generasjonar og er indeksert på matrikkelnummer, årstal og stad.

Vi vonar dette rikhaldige materialet vil kome til nytte og glede for mange, og dersom det er behov for hjelp til å bruke materialet kan de ta kontakt med oss.